Solicitude unificada Entidades colaboradoras Pagos directos Desenvolvemento rural Lugares e prazos Para facilitar aos agricultores a tramitación das axudas no ano 2022, inclúense nunha soa Solicitude Unificada varias axudas directas da PAC baseadas na superficie agrícola da explotación e nos censos de gando (pagamentos directos) así como as axudas ao desenvolvemento rural suxeitas ao sistema integrado de xestión e control unificando tamén o período de solicitude. As axudas que se inclúen na Solicitude Unificada de axudas PAC 2022 son: Pagamentos directos á agricultura e á gandaría (financiadas polo FEAGA) Un pagamento básico aos agricultores «réxime de pagamento básico». Un pagamento para os agricultores que apliquen prácticas agrícolas beneficiosas para o clima e o ambiente. Un pagamento suplementario para os novos agricultores que comecen a súa actividade agrícola. Un réxime de axuda asociada Axuda asociada aos cultivos proteicos. Axuda asociada aos legumes de calidade. Axuda asociada para as explotacións que manteñan vacas nutrices. Axuda asociada para as explotacións de vacún de ceba. Axuda asociada para as explotacións de vacún de leite. Axuda asociada para as explotacións de ovino. Axuda asociada para as explotacións de cabrún. Axudas asociadas para os gandeiros de vacún de leite, vacún de ceba e de ovino e cabrún que mantiveron dereitos especiais en 2014 e non dispoñen de hectáreas admisibles para a activación de dereitos de pagamento básico. Tamén poderá solicitarse calquera outra axuda asociada regulada no título IV do Real decreto 1075/2014, do 19 de decembro. Un réxime simplificado para os pequenos agricultores Pagamento das medidas de desenvolvemento rural suxeitas ao sistema integrado de xestión e control (75% cofinanciadas polo FEADER) Prima anual das axudas para a reforestación e para a creación de superficies forestais, da submedida 8.1 do Programa de desenvolvemento rural de Galicia 2014-2020. Beneficiarios con compromisos vixentes: solicitude de pagamento. Prima anual das axudas para o establecemento de sistemas agroforestais, da submedida 8.2 do Programa de desenvolvemento rural de Galicia 2014-2020. Beneficiarios con compromisos vixentes: solicitude de pagamento. Solicitude de pago das axudas de Agroambiente e clima da submedida 10.1 e da agricultura ecolóxica das submedidas 11.2 do Programa de desenvolvemento rural (PDR) de Galicia 2014-2020. Beneficiarios con compromisos vixentes e solicitude do prórroga de beneficiarios da convocatoria 2015. Pagamento a zonas con limitacións naturais das submedidas 13.1 e 13.2 do Programa de desenvolvemento rural (PDR) de Galicia 2014-2020: solicitude da axuda e do pagamento. Orde PAC Solicitude de devolución voluntaria de axudas PACContenido mínimo do caderno de explotación en agricultura ecolóxica e medidas agroambientaisLiña de base e compromisos en agricultura ecolóxica e medidas agroambientaisZonas de concentración parcelaria sen referencias SIXPACZonas de montaña e distinas de montañaSolicitude de declaración doutras axudas Entidades colaboradoras Entidades colaboradoras PAC DR 2022 Documentos de interese Vídeo tutorial para consulta das resolucións de axudas da PACManual de cesións de dereitos de pago básico – Campaña 2021Preguntas e respostas ABRS-2023Presentacións cursos EECC da campaña 2022 Novidades 2022 Axudas GandeirasNovidades 2022 Axudas complementariasNovidades 2022 Axudas SuperficiesNOTAS TÉCNICAS elaboradas polo Ministerio de Agricultura, Pesca y Alimentación Agricultor activo e actividade agrariaAsignación de dereitos de pagamento básicoPrácticas beneficiosas para o clima e o medio ambiente (Pago verde)Axudas asociadasAgricultores mozosRéxime de pequenos agricultores (RPA)CondicionalidadePreguntas e respostas Pagos directos En 2022, o conxunto de axudas directas da PAC xestiónase no marco da ORDE do 21 de xaneiro de 2022 pola que se regula a aplicación dos pagamentos directos á agricultura e á gandaría e das axudas ao desenvolvemento rural suxeitas ao Sistema integrado de xestión e control (códigos de procedemento MR250A, MR239K, MR239G, MR239O, MR240D, MR241C e MR241D). Relación provisional de pequenos agricultores De acordo ao artigo 86 do Real decreto 1075/2014, do 19 de decembro, sobre a aplicación a partir de 2015 dos pagos directos á agricultura e á gandería e outros réximes de axuda, así como sobre a xestión e control dos pagos directos e dos pagos ao desenvolvemento rural, os agricultores que en 2015 posúan dereitos de pago básico, en propiedade, usufruto ou en arrendamento e o seu importe total de pagos directos a percibir sexa inferior a 1.250 euros quedarán incluídos automaticamente pola autoridade competente no réxime. A participación no Réxime de Pequenos Agricultores ten as seguintes vantaxes: Quedará exento de aplicar as prácticas agrícolas beneficiosas para o clima e o medio ambiente. O importe dos pagos directos non se verá reducido pola a aplicación da condicionalidade. A partir de 2016 non deberá cumprir cos requisitos para a súa determinación como agricultor activo, excepto no referente a estar inscrito nos rexistros (os que as autoridades competentes teñan dispostos en base ao artigo 6 do Regulamento 852/2004), no momento da súa solicitude. Non se lle aplicarán as sancións previstas por declaración incompleta das superficies de todas as parcelas da explotación na solicitude única. En sucesivas campañas a partir de 2015, a súa solicitude única consistirá unicamente nunha confirmación anual para poder recibir devandito pago. O importe total de pagos que finalmente se lle calcule, será o total para percibir para a campaña e substituirá aos que deban concederse de conformidade co réxime de Pago Básico ou mediante outras axudas desacopladas e acopladas. Este importe será o mesmo sempre que permaneza adscrito ao réxime de Pequenos Agricultores. Durante a participación no réxime de Pequenos Agricultores deberá declarar e manter o número de hectáreas admisibles correspondente ao número de dereitos activados no ano 2015 e estes consideraranse dereitos activados para todo o período de participación no devandito réxime. En caso de non querer participar no réxime de Pequenos Agricultores deberá notificar a súa decisión ante a Autoridade Competente durante o período de presentación da solicitude única, implicando dita renuncia non poder volver solicitar a súa inclusión no mesmo. Desenvolvemento rural Caderno Agricultura EcolóxicaCaderno Gandaría EcolóxicaCaderno Xestión sostible de pastos e extensificación do vacún de leitePreguntas frecuentesRESOLUCIÓN do 23 de novembro de 2016 pola que se establecen as reducións por incumprimento dos criterios/requisitos de admisibilidade, compromisos e outras obrigas de determinadas medidas do Programa de desenvolvemento rural (PDR) de Galicia 2014-2020Plan de controis administrativos e sobre o terreo específicos das axudas de agroambiente e clima, agricultura ecolóxica e zonas con limitacións naturaisNOVA VERSIÓN Norma complementaria á xestión de axudas agroambiente e clima (medida 10.1) e agricultura ecolóxica (medida 11) incluídas no PDR de Galicia (campaña2022) Nova versión Lugares e prazos O prazo de presentación da solicitude única, para o ano 2022, iniciarase o 1 de febreiro e rematará o día 13 de maio ambos inclusive. Unha vez finalizado o prazo para a presentación da solicitude única, os solicitantes poderán presentar solicitudes de modificación ata o día 31 de maio. O prazo de presentación de solicitudes de modificación do SIXPAC comezará o 1 de febreiro e rematará o 31 de maio, ambos incluídos. O período de comunicación das cesións de dereitos de pagamento básico iniciarase o 1 de febreiro e finalizará o 31 de maio de 2022, ambos incluídos. As persoas que desexen obter algún dos pagamentos directos ou das axudas de desenvolvemento rural deberán presentar unha solicitude única. A solicitude única presentarase na Comunidade Autónoma de Galicia dirixida á persoa titular da dirección do Fogga, cando a explotación estea situada completamente neste territorio ou se, estando situada en máis dunha comunidade autónoma, se atopa na Comunidade Autónoma de Galicia a maior parte da superficie agraria ou o maior número de animais, no caso de non dispoñer de superficie. A presentación da solicitude única realizarase unicamente por medios electrónicos a través do formulario electrónico normalizado accesible desde a sede electrónica da Xunta de Galicia (https://sede.xunta.es/detalle-procedemento?codCons=MR&codProc=250A&procedemento=MR250A - ) de conformidade co establecido nos artigos 27.6 da Lei 11/2007, do 22 de xuño, de acceso electrónico dos cidadáns aos servizos públicos, e 24.2 do Decreto 198/2010, do 2 de decembro, polo que se regula o desenvolvemento da Administración electrónica na Xunta de Galicia e nas entidades dela dependentes. Os solicitantes poderán optar por: Realizar a solicitude a través das entidades colaboradoras PAC DR 2021 asinantes dun convenio para tal efecto co Fogga. Realizar persoalmente a súa solicitude no enlace http://sgapac.xunta.es, para o que precisan dispoñer dun certificado dixital con vixencia.