Condicionalidade

O artigo 68 do REGLAMENTO DE EJECUCIÓN (UE) Nº 809/2014 estipula que se controlará polo menos ao 1% de beneficiarios obrigados ao cumprimento da condicionalidade.

Cando a lexislación aplicable sectorialmente fixe unha porcentaxe maior dese 1% aplicarase a taxa de control definida sectorialmente.

Os controis basicamente consistirán en realización controis administrativos e de visitas de control e inspección sobre o terreo.

Calquera incidencia detectada nun control oficial que se poña en en coñecemento do correspondente organismo de control de condicionalidade será obxecto de avaliación, de concluír que a incidencia inicial realmente supón un incumprimento de condicionalidade, aplicaráselle a correspondente redución.

Organismos de control

O DECRETO 107/2015, de 9 de julio establece e asigna as diferentes competencias de control en Galicia, entre os seguintes organismos:

• A subdirección xeral de Explotacións Agrarias competente nos aspectos fitosanitarios e de seguridade alimentaria de orixe non animal.
• A subdirección Xeral de Gandaría competente nos aspectos relativos a saúde pública, sanidade animal e benestar dos animais.
• O FOGGA, que realiza todas as tarefas de coordinación entre os organismos de control, calcula e aplica as reducións correspondentes, controla os aspectos relativos a Medio ambiente, cambio climático e boas condicións da terra.
   

Avaliación dos incumprimentos

Segundo o estipulado nos artigos 38 e 40 do REGLAMENTO DELEGADO (UE) Nº 640/2014 os incumprimentos avaliaranse segundo:

• A súa gravidade: importancia das súas consecuencias.
• O seu alcance: principalmente se ten grandes repercusións ou se limita á propia explotación.
• A súa persistencia: o tempo que duren os  efectos ou a posibilidade de por fin a estes con medios razoables
• Repetición: o incumprimento do mesmo punto de control máis dunha vez ao longo de tres  anos naturais consecutivos.
• Intencionalidade: falsificación documental, sacrificio de animais sospeitosos de padecer enfermidades contaxiosas transmisibles aos humanos, impedir o control, ou calquera incidencia que o organismo de control considere que cumpre con dita avaliación.
   

Redución das axudas

En base a avaliación do/s incumprimento/s as reducións a aplicar sobre as axudas serán as seguintes:

• Incumprimentos por neglixencia: entre o 1% e o 5%
• Repetición: entre o 3% e o 15%
• Cando se aprecie Intencionalidade: entre o 20% e o 100%

En base as características territoriais e do tipo de explotacións da nosa comunidade, os  aspectos de aspectos da condicionalidade aos que se lle debería prestar especial atención son os relativos á:

• Identificación e rexistro do gando, principalmente, vacún, ovino-cabrún e porcino (comunicacións á base de datos de nacementos, mortes e movementos, identificación individual dos animais, DIBs)
• Correcto deseño e mantemento das instalacións e equipos da explotación.
• Enchido correcto dos diferentes rexistros, fundamentalmente tratamentos médicos,  aplicación de fitosanitarios e fertilizantes.
• Mantemento de documentación o tempo estipulado, facturas, receitas.
• Correcto mantemento das superficies da explotación, especialmente naquelas nas que se desenvolve unha actividade agraria de baixa intensidade.
• Respectar as distancias mínimas nas aplicacións de fertilizantes e fitosanitarios nas proximidades aos cursos de auga.
• Xestión dos estercos e xurros xerados na explotación, volumes e impermeabilización suficientes, mantementos axeitados... etc.
• Correcta eliminación de restos de colleita e poda.
• Non abandonar calquera tipo de substancias, materiais, ferramentas e/ou maquinaria.
• Posuír os permisos, autorizacións e carnets, especialmente os relacionados co emprego de fitosanitarios.
• Correcto almacenaxe de medicinas, alimentos e pensos, fitosanitarios e combustibles e aceites.